ОРЫС ТІЛІНЕН РЕСПУБЛИКАЛЫҚ ОЛИМПИАДА ҚОРЫТЫНДЫЛАНДЫ

28.04.2023

Әлкей Марғұлан атындағы Павлодар педагогикалық университетінде Қазақстан Республикасының жоғары оқу орындарының студенттері арасында орыс тілі мен әдебиеті бойынша XV республикалық пәндік олимпиада аяқталды.

Марғұлан университеті олимпиада өткізудің базалық университеті болып таңдалған себебі, өйткені өткен жылы Павлодар педагогикалық университетінің студенттері тамаша жеңіске жетті.

Зияткерлік сайыстың қорытындысы бойынша Х.Дулати атындағы Тараз өңірлік университетінің командасы жоғары нәтиже көрсетіп, лайықты бірінші орынды жеңіп алды.

Екінші командалық орындарды С.Аманжолов атындағы Шығыс Қазақстан университеті мен Абай атындағы Қазақ ұлттық педагогикалық университетінің командалары өзара бөлісті. Үшінші орында: Ш.Уәлиханов атындағы Көкшетау университеті, М.Қозыбаев атындағы Солтүстік Қазақстан университеті және М.В.Ломоносов атындағы Мәскеу мемлекеттік университетінің Қазақстандағы филиалы. Сонымен қатар, университеттердің ең дарынды студенттері түрлі номинациялар бойынша марапатталды.

Байқау комиссиясының төрағасы, Гуманитарлық ғылымдар жоғары мектебінің профессоры, филология ғылымдарының докторы Зифа Темірғазина мен «Орыс тілі мен әдебиеті» білім беру бағдарламасының жетекшісі Гүлсім Абзулдинова шығармашылық байқаудың жеңімпаздары мен жүлдегерлерін дипломдармен және ақшалай сыйлықтармен марапаттады. Сонымен қатар, ректорлар мен ұжым жетекшілеріне алғыс хаттар табыс етілді.

Олимпиадаға қатысушылар үшін қызықты мәдени бағдарлама ұйымдастырылды. Қонақтар үшін Әлкей Марғұлан атындағы археологиялық зерттеу орталығы мен университеттің бірегей Музей кешенін аралау өте әсерлі болды.