ОРЫС ТІЛІ АПТАЛЫҒЫ БАСТАЛДЫ

10.10.2022

Бүгін гуманитарлық ғылымдар жоғары мектебінің "Орыс тілі мен әдебиеті" білім беру бағдарламасы орыс тілі апталығын жариялады. Яғни, бір апта бойы осы тақырыпта әртүрлі ісшаралар, кездесулер, оқулар ұйымдастырылады.

"Орыс тілі мен әдебиеті" білім беру бағдарламасының жетекшісі, филология ғылымдарының кандидаты Гүлсім Абзулдинованың сөзінше, аптаның соңына дейін студенттер үшін әртүрлі қызықты және пайдалы іс-шаралар өтеді. 11 қазан күні студенттер арасында ашық диктант жазу болады. 12 қазанда кемеңгер жазушы Мұхтар Әуезовтің мерейтойына арналған көркемсөз оқу конкурсы өтеді. 13 қазанда "Орыс тілі мен әдебиеті" білім беру бағдарламасының студенттері эссе жазады. Ал орыс тілі апталығының жабылу рәсімі 14 қазанда болады.

- Гуманитарлық ғылымдар жоғары мектебінде "Ұлы тұлғаларға тағзым" айлығы өтіп жатыр. Осы айлықтың аясында 3 апталық өтуі тиіс. Яғни, қазақ тілі, орыс тілі және ағылшын тілі апталығы. Осы шараларға біздің студенттер де өте белсенді қатысуда, - дейді "Орыс тілі мен әдебиеті" білім беру бағдарламасының жетекшісі Гүлсім Кенжебекқызы.