ОҚУШЫЛАРҒА АРНАЛҒАН АШЫҚ ЕСІК КҮНІ

27.11.2024

27 қараша күні гуманитарлық ғылымдар жоғары мектебінің ұйымдастыруымен ашық есік күні өтті. Шараға қаланың 12 мектебінен  130-дан астам оқушы қатысты.  МТ-33 тобының студенттері зияткерлік сайысын ұйымдастырды. Студенттік парламент президенті Давлетияров Аян студенттік өмірді суреттеген бейнеролик көрсетіп, өз мамандығы туралы презентациясын таныстырды. Орыс тілі мен әдебиеті мамандығының 1-курс студенттері “Ревизор” комедиялық қойылымын ұсынды. Шет тілдері мамандығының студенттері академиялық ұтқырлық мүмкіндіктерін сөз етіп, шет мемлекетте алған тәжірибесімен және өз әсерлерімен бөлісті. ШТА-15 және ШТА-17 тобының студенттері жанды дауыста “Attention” әнін орындады. Оқушылар да сайысқа белсенді қатысты және қызықтырған сұрақтарын қойды. MU media ұйымындағы жоғары мектеп студенттері болашақ талапкерлерден оқу орнымызға деген қызығушылыштары жайында сұрақтар қойып, сұхбат та алды.