ОҚУ ҮРДІСІНДЕ ЭЛЕКТРОНДЫҚ ОҚУ ҚҰРАЛДАРЫН ПАЙДАЛАНУ БОЙЫНША ШЕБЕРЛІК СЫНЫБЫ

30.04.2024

«Бастауыш оқытудың педагогикасы мен әдістемесі» білім беру бағдарламасының педагог-сарапшысы Әсемгүл Қалимов «Жоғары оқу орындарының оқу үдерісінде электрондық оқыту құралдарын дайындау және қолдану» тақырыбында әріптестеріне семинар өткізді.
Тренер айтқандай, электронды оқулықтардың ерекшелігі олардың практикаға бағытталуында және студенттердің электронды оқулықтың теориялық бөлігінің мазмұнын ойдағыдай игергеннен кейін, алған білімдері мен дағдыларын практикалық жұмысынта іске асыруына мүмкіндік береді.
Электрондық оқулықтың артықшылығы: мазмұнның вариативтілігі, мультимедиялық және интерактивтілігі, өзін-өзі тексеру мүмкіндігі, түсінікті интерфейс, оқу ақпаратын ұсынудың әртүрлі формалары.

– Күнделікті педагогикалық іс-әрекетімде мен электронды оқулықтарды сабақтың әртүрлі кезеңдерінде пайдаланамын: жаңа материалды оқу кезінде, сабақтың қорытынды кезеңінде айтылған дәрісті пысықтау немесе ағымдағы бақылауды қарастырады. Сондай-ақ, СӨЖ және СОӨЖ баламасы ретінде теориялық материалды өз бетінше меңгеру және практикалық дағдыларды дамытады. Мен өзім де электронды оқулық әзірледім және олар үшін авторлық сертификаттар алдым, студенттер де бұларды педагогикалық практикада пайдаланады», - деді Әсемгүл Қалимова.
Естеріңізге сала кетейік, қазір Марғұлан университетінде түрлі тақырыптарда шеберлік сабақтары өтуде, оқытушылар онда өзара тәжірибе алмасып, тың идеялармен бөліседі.