ОҚЫТУШЫЛАР СОҢҒЫ ҚОҢЫРАУҒА ҚАТЫСТЫ

29.05.2024

Әлкей Марғұлан атындағы Павлодар педагогикалық университетінің профессорлық-оқытушылық құрамы қала мектептерінде өткен соңғы қоңырау шараларына қатысып, түлектерді құттықтады. Сонымен қатар, педагогикалық олимпиаданың жеңімпаздарына университет гранттарын табыстады.

Атап айтқанда, №24 орта мектеп түлегі Асылхан Қайыржанов Margulan university грантының иегері атанды, сондай-ақ №24 орта мектеп түлегі Арайлым Атшыбай және №35 орта мектеп түлегі Сабина Жүнісова Margulan university жүлдегерлері атанды.

Олимпиада жеңімпаздарына ЖОО гранттарын университет оқытушылары Рахимжанова Арай Бейсенбайқызы мен Ахметова Айгүл Болатқызы сынды оқытушылар табыстады.