ОНЛАЙН ВЕБИНАРЛАР ЖИІ ӨТКІЗІЛУДЕ

14.01.2021

2021 жылы 13 қаңтарда Екібастұз қаласының № 6 орта мектебінің мұғалімдері үшін «Мектеп оқушыларының ғылыми жобаларын жоспарлау» тақырыбында әдістемелік вебинар өткізілді. Онлайн конференцияны «Математика» және «Физика», «География» және «Химия» білім беру бағдарламалары ұйымдастырды.
Вебинар модераторы физика-математика ғылымдарының кандидаты, PhD докторы, ППУ доценті, математика және физика кафедрасының меңгерушісі Сейтханова Айнұр Құсбекқызы болды. Сондай-ақ вебинар тақырыбы аясында техника және технология ғылымдарының магистрі, «География» және «Химия» БББ аға оқытушысы Музыка Светлана Геннадьевна баяндама жасады.
Онлайн чат арқылы студенттердің ғылыми-зерттеу жұмыстары мен ғылыми жобаларын жоспарлау бойынша ұсыныстар мен сұрақтарға жауап берілді.
ППУ профессор-оқытушылар құрамы мен ғалымдары, әр саладағы университет қызметкерлері онлайн вебинарлар мен конференцияларға, шеберлік сағаттарын өткізуге, қашықтан өткізілетін көптеген жиын-шараларға белсене араласады. Бұл университет қызметкерлерінің интерактивтілігін, даиалогтік сананың біліктілігі заман талабына сай білімділігін айғақтайды.