«ӨТКЕН ЗАМАННЫҢ БАТЫРЛАРЫ ТУРАЛЫ...»

06.05.2022

Павлодар педагогикалық университетінің биылғы 60 жылдық мерейтойына орай және Жеңіс күні мерекесінің құрметіне мүмкіндігі шектеулі жандар арасында «Өткен заманның батырлары туралы...» әскери-патриоттық әндер байқауы өтті. Ән сайысын Өнер және спорт жоғары мектебінің және музыкалық білім беру бағдарламасының ұжымы ұйымдастырды. Оған Қазақ соқырлар қоғамының мүшелері, барлығы 10 өнерпаз қатысып, ән өнерінің әртүрлі жанры бойынша өнер көрсетті.

Оқытушы-сарапшы Әсемгүл Тулекованың сөзінше, байқаудың бас жүлдесін Диляра Асаинова жеңіп алды. Ал І орынды Тамара Перницкая мен Ақлима Бағдатова бөлісті. ІІ орынды Жанғабыл Сәбиев пен Гүлнәр Адамжанова еншілесе, ІІІ орын Балабай Дәутбаев пен Мавлен Қожахметовке бұйырды.

- Қатысушылардың барлығы әуесқой әншілер. Яғни, аспапта ойнап, ән айтуды өздері үйренген. Соған қарамастан, байқаудың деңгейі жоғары болды. Әскери-патриоттық әндерді ерекше тебіреніспен орындады, - дейді Әсемгүл Тулекова.