«New student star» байқауы жарияланды

Бүгін Павлодар педагогикалық университетінің Жастар саясаты департаменті студенттік филармониясының және студенттік кәсіподақ демеушілігімен ұйымдастыруымен «New student star» - университетішілік жыл сайынғы дәстүрлі байқауы басталды. Байқау «Вокал», «Хореография», «Көркемсөз»

«Аспапта ойнау» және «Standup» бағыттары бойынша өтпек.

«New student star» байқауы өнерімен танылған жас өрендер, талантты да жалынды студенттерді іріктеу, оларға қолдау көрсету мақсатында 26-30 сәуір аралығында өткізіледі. Байқаудың бірінші күні Тәуелсіздіктің 30 жылдығына орай «Вокал» категориясы бойынша патриоттық әндер орындауда мықтыларын анықтады. Әділқазылар алқасы студенттердің өнерін бағалап, жеңімпаздардың қатарын сынады. Барлық жеңімпаздар ППУ ректорының Алғыс хатымен және ақшалай сыйлықтармен марапатталады.