НАЗАР АУДАРЫҢЫЗДАР! «ҚАЗАҚСТАН ХАЛҚЫНА» ҚОҒАМДЫҚ ҚОРЫНЫҢ ГРАНТТАРЫ!

02.08.2023

Құрметті талапкерлер! «Қазақстан халқына» қоғамдық қоры Әлкей Марғұлан атындағы Павлодар педагогикалық университетіне 2023-2024 оқу жылына бакалавриаттың күндізгі бөліміне 20 білім грантын бөлгенін қуана хабарлаймыз.

Білім беру грантын ізденушілер Қазақстан Республикасының азаматтары бола алады:
1) ауылдық жерлердегі, шағын және моноқалалардағы аз қамтылған отбасылар;
2) жетім балалар немесе кәмелетке толғанға дейін ата-анасының қамқорлығынсыз қалған балалар;
3) мүгедектігі бар тұлғалар;
4) мүгедек балаларды тәрбиелеп отырған отбасылар;
5) 2022 жылғы қайғылы қаңтар оқиғалары кезінде қаза тапқан Қазақстан Республикасы азаматтарының балалары;
6) 2022 жылғы қайғылы қаңтар оқиғалары кезінде жараланған балалар;
7) төтенше жағдайлар кезінде зардап шеккен Қазақстан Республикасының қаза тапқан азаматтарының балалары (Қордың Қамқоршылық кеңесінің шешімі негізінде).
Бағдарламаға қатысудың шекті жасы толық 29 жасты құрайды.

Бағдарлама шарттары туралы қосымша ақпаратты мына сілтемеден табуға болады:
https://qazaqstanhalqyna.kz/kk/programs/18-charity-kk/203-qazaqstan_halqyna_grant_kz.html
немесе қордың әлеуметтік желідегі парақшасында:
https://www.instagram.com/p/CvW4pbSL6D-/?img_index=1

Грант иегері болу үшін 10-17 тамыз аралығында Әлкей Марғұлан атындағы Павлодар педагогикалық университетінің қабылдау комиссиясына құжаттарды тапсыру қажет.