«НАТУРАЛИСТ» ЖАЗҒЫ ДАЛА МЕКТЕБІ

21.06.2023

Марғұлан университеті "Биология" білім беру бағдарламасы профессоры, биология ғылымдарының докторы Н.Е. Тарасовская және мәдениеттану канидаты, профессор В.Н.Алиясованың жетекшілігімен "Натуралист" жазғы дала мектебі ашылған еді. Жазғы мектеп 12-23 маусым аралығында жұмыс істейді. Оған Павлодар қаласы мектептерінің 42 оқушысы барады.

Жазғы мектеп аясында оқушылар университеттің Табиғат мұражайына, Г.Н. Потанин атындағы Облыстық өлкетану мұражайына барды. Сондай-ақ, оқушылар үшін С.Торайғырова  атындағы облыстық әмбебап кітапханада, балалар-жасөспірімдер экология және туризм орталығында, "Қазқонақ" палеонтологиялық ескерткішінде іс-шаралар ұйымдастырылды. Экскурсиялар барысында олар қаланың көрікті және тарихи орындарын көріп, әртүрлі экологиялық жүйелерімен танысады және шығармашылық тапсырмаларды орындайды.

Павлодар қаласының дарынды балаларға арналған №8 лицей мұғалімі Айсұлу Әбікенова «Биология» білім беру бағдарламасының оқытушылары Гүлнар Қайыржанқызына, Наталья Тарасовскаяға көрсеткен қолдауы үшін, өткізілген экскурсия үшін алғыс айтты.

Жазғы мектептің бірінші күні экскурсия Дачный шағын ауданының аумағында педагогикалық университет студенттерімен бірлесіп өткізілді. Балалар көптеген қызықты нәрселерді білді, байқауға, өсімдік түрлерін, өсімдіктердің гибридті формаларын анықтауға, құстар мен көбелектерді бақылауға үйренді.