БІЗДІҢ СПОРТШЫЛАР БЕЛБЕУ КҮРЕСІНЕН РЕСПУБЛИКАЛЫҚ ЧЕМПИОНАТТЫҢ ЖҮЛДЕГЕРЛЕРІ!

28.02.2022

Павлодар педагогикалық университетінің Жоғары өнер және спорт мектебінің үш студенті бірден Белбеу күресінен Қазақстан Республикасы чемпионатының жүлдегерлері атанды.

Белбеу күресінен Қазақстан Республикасының чемпионаты өткен демалыс күндері Шымкентте 23 жасқа дейінгі жастар арасында өтті.

ДШжС-11 тобының студенті Қали Бақберген мықты қарсыластармен ымырасыз күресте 57 келі салмақта Чемпионаттың күміс жүлдегері атанды.

Күрделі жекпе-жектерде 82 салмақ дәрежесінде өнер көрсеткен ДШжС-21 тобының студенті Айтмағанбетов Алдияр 3-орынға ие болды. +76 келі салмақ дәрежесінде ДШжС -33 тобының студенті Омар Гауһар құрметті үшінші орынды жеңіп алды.

Жігіттер мен қыздарды дайындаған ұстаз Қайрат Баязитұлы Темірболатов.