ЗИЯТКЕРЛЕРІМІЗ РЕСПУБЛИКАЛЫҚ ДЕБАТТЫҚ ТУРНИРДІҢ ЖҮЛДЕГЕРЛЕРІ АТАНДЫ!

01.03.2022

«Ақиқат» пікірсайыс клубының мүшелері Ахмет Байтұрсынов атындағы Қостанай университетінің қабырғасында өткен «BAITURSYNOV CUP - XVI» Республикалық дебаттық турнирінде III орынға ие болды.

Турнирге Қазақстанның барлық облыстарынан үздік командалар қатысты. Павлодар педагогикалық университетінің «Ақиқат» зияткерлік клубынан бастаушы пікірсайысшылар қатарындағы «Сенсация» және «7182» фракциялары қатысты.

Интеллектуалдық шайқастардың қорытындысы бойынша жастар финалында екінші орынды «Сенсация» фракциясы иеленді.

Негізгі алаңда «7182» фракциясы ІІІ орын иегері атанып, қаржылық сертификатқа ие болды!

Дебаттық тартыстары аяқталған соң пікірсайыс клуб өкілдері Қостанай телеарнасындағы «Тобыл таңы» бағдарламасына шақырылып, сұхбат беріп, алдағы жоспарларымен бөлісті.