БІЗДІҢ ПАЛУАНДАР СТУДЕНТТЕР ЛИГАСЫНДА І ОРЫН ЖӘНЕ 12 МЕДАЛЬ ЖЕҢІП АЛДЫ!

18.03.2022

 Павлодар педагогикалық университетінің студенттері қазақша күрестен Студенттік спорт лигасында жалпы командалық I-орынға ие болып, 6 алтын, 4 күміс, 2 қола медаль жеңіп алды!

Семей қаласында өткен Cтуденттік лигаға Семей, Өскемен және Павлодар қалаларының командалары қатысты. Университетіміздің командасы 6 жігіт пен 6 қыз өнер көрсетті.

Қызықты жекпе-жектердің қорытындысы бойынша біздің спортшылар I командалық орынды жеңіп алды. Жекелей сында спортшылар қоржынында: 6 алтын, 4 күміс және 2 қола медаль!

Жеңімпаздар мен жүлдегерлер:

I место: Атмұхамбетов Алдияр, Құдабергенов Темирғалы, Айдарғазы Әділ, Ниязбек Карина, Көппаева Әсем, Мұратхан Дарима.

II место: Мұқашев Диас, Мукарам Алишер, Абдрахманова Сезімгүл, Мұхан Әлия.

III место: Қали Бақберген, Мәден Аружан.

Қазақ күресінен ППУ құрама командасын жаттықтырушылар Темірболатов Қайрат Баязитұлы мен Усина Жанар Амангелдіқызы дайындады.

Жанна Усина жарысқа дайындықта басшылықтың қолдауы үлкен рөл атқаратынын атап өтті. «Біздің дайындығымызға жеке көңіл бөліп, қолдау көрсеткен ректор Жилбаев Жанбол Октябровичке, Өнер және спорт жоғары мектебінің деканы Лебедева Валентина Ильинична мен ППУ спорт клубының жетекшісі Авазбакиев Рифхат Анатольевичке алғысымды білдіремін», - деді Жанна Амангелдіқызы.