БІЗДІҢ «ПСЖ» ЖАЙДАРМАНДА!

29.03.2022

Павлодар педагогикалық университетінің «ПСЖ» көңілді тапқырлар клубы Нұр- Сұлтан қаласында өткен  республикалық Жайдарман ойындарына шықты. Әзілкештер 2022 жылғы «Саяхат» маусымында өнер көрсетіп, Теміртау қаласында өтетін ашық лигаға жолдама алды.

Маусымашарға 130-дан астам командалар қатысты. Қазакстанның түкпір-түкпірінен келген командалар өзіндік әртүрлі стильдерімен ерекшеленіп жатты. Іріктеу ойындары екі күнге созылды, біздің команда екінші күні екінші болып өнер көрсетті.

-Көрерменнің ыстық ықыласына бөленіп, редакторлардың көңілінен шықтық деп толық айта аламыз. Командада әркімнің өзіндік орны болды. Ұлбосын, Бибімариям және Арай сынды ойыншылар өзгеше қылығымен,еркелігімен ерекшеленді. Жасыбай мен Ермектің ұтымды әзілдері көрерменді күлкіге батырды. Бұл команданың ғана емес өзіміз оқитын Павлодар педагогикалық университетінің жетістігі деп білеміз. Осы деңгейге жеткізгені үшін жетекшіміз Қоңыратбаев Ильяс ағаға және университет басшылығына үлкен алғысымызды білдіреміз.  Бұл бастамасы, әлі талай ППУ-дың атағын шығарамыз деп  сеніммен айта аламыз,  - дейді «ПСЖ» ойыншылары.