БІЗДІҢ ШЕБЕР «QYZYLJAR ШЕБЕРЛЕР МЕКЕНІНДЕ»

29.03.2022

Жақында Петропавл қаласында «Qyzyljar шеберлер мекені» Республикалық қолөнершілер фестивалі өтті. Оға Павлодар педагогикалық университетінің Margulan Centre археологиялық қайта құру зертханасының меңгерушісі Әлібек Қабылдинов қатысып, өзінің ортағасырлық жауынгерлердің қару-жарағы бойынша авторлық жұмыстарын ұсынды.

Аталған іс - шараның мақсаты - қолөнер мен өнерді насихаттау, қолөнер шығармашылығының құндылығын қалпына келтіру, дәстүрлі халық мәдениетін сақтау мен дамытуға назар аудару. Фестивальге еліміздің түкпір-түкпірінен қолөнер шеберлері шақырылды.

Біздің әріптесіміз Павлодар облысынан табылған археологиялық экспонаттарын көрсетті. Көрмеге былғары белдіктермен өзара байланысқан 800-ден астам пластиналардан жасалған сауыт қойылды. Қаруланған жауынгердің қару – жарағының салмағы кемінде 15 келіден асады. Сонымен қатар, металл шлемдер мен қылыштар ерекше қызығушылық тудырды. Көрме қорытындысы бойынша іс-шараға белсенді қатысқаны үшін Әлібек Қабылдинов Солтүстік Қазақстан облысының әкімі Қ.Ақсақаловтың Алғыс хатымен марапатталды.