МАРҒҰЛАН УНИВЕРСИТЕТІ ҰЛЫБРИТАНИЯ УНИВЕРСИТЕТТЕРІМЕН БАЙЛАНЫСТЫ КЕҢЕЙТУДЕ

18.06.2024

Марғұлан университетінің делегациясы Ұлыбританияға жұмыс сапары кезінде Орталық Ланкашири университетіне және Лестер университетіне барды.
Марғұлан университетінің басқарма төрағасы-ректордың м.а. Жанбол Жилбаев және Орталық Ланкашири университетінің (Ұлыбритания) вице-ректоры Кэти Джексон университеттердің академиялық және ғылыми қызметін таныстырды. Кездесу барысында қос диплом бағдарламалары мен білім беру жобаларын дамыту мүмкіндіктері талқыланды. Сондай-ақ, педагогика саласындағы академиялық алмасуды, тағылымдамаларды және бірлескен ғылыми ынтымақтастықты дамытуға бағытталған ынтымақтастық туралы меморандум жасалды.
Margulan University өкілдері Лестер университетіне (QS World University ranking #285) барып, онда ғылыми жобалар мен студенттер алмасу шеңберінде одан әрі ынтымақтастық ниетін талқылады. Лестер университетінің білім беру мектебінің деканы Крис Уилкенс білім беру және жасанды интеллект саласындағы көшбасшылық мәселелерін егжей-тегжейлі қарастырды. Ол жасанды интеллектті қолдану бойынша университеттер арасындағы ғылыми ынтымақтастықты кеңейту қажеттігін атап өтті. Талқылау барысында Лестер университетінің профессорлары студенттердің жазбаша жұмыстарын бағалау әдістемесімен, сондай-ақ оқыту мен оқу нәтижелерін жақсарту үшін генеративті жасанды интеллект құралдарын дұрыс пайдалану технологиясымен бөлісті. Кездесу қорытындысы бойынша екі тарап оқытушылар мен студенттердің академиялық ұтқырлығы, педагогикалық білім беру саласындағы ғылыми ынтымақтастық жөнінде келісімдерге қол жеткізді.
Екі университет те жоғары академиялық беделімен, сапалы білім беру бағдарламаларымен және инновациялық ғылыми жобаларымен танымал.