МАРҒҰЛАН УНИВЕРСИТЕТІ ТАРИХИ ҒИМАРАТТЫ ҚАЛПЫНА КЕЛТІРУ ЖҰМЫСТАРЫН ЖАЛҒАСТЫРУДА

05.12.2024

Марғұлан университетінің ректоры Жанбол Жилбаев бастаған басқарма өкілдері Археологиялық зерттеулер институтына барып, тарихи ғимараттағы қалпына келтіру жұмыстарының барысымен танысты. Естеріңізге сала кетейік, аталмыш нысанды ғылыми-реставрациялау жұмыстары жеті ай бұрын басталған болатын.

Бұл жобаны жүзеге асыруға университет бюджеттен тыс қаражаттан 139 млн.299 мың теңге бөлінді. Реставрация жұмысын «Тұран» тарихи — мәдени зерттеулер орталығы» ЖШС жүргізеді. Бүгінгі таңда қасбетті қалпына келтіру, жаңа терезелерді орнату, электр қуатын жүргізу жұмыстары аяқталған. Енді үй-жайлардың ішкі безендірілуі жалғасуда. Сондай-ақ, жылу жүйесі де пайдалануға берілді, ал шатырының бұрынғы тарихи нұсқасын сақтай отырып, қайта қалпына келтірілді, еден арқалықтары нығайтылды, ал жертөле мен бірінші қабат арасында жаңа баспалдақ салынды. Барлық жөндеу және қайта қалпына келтіру жұмыстары аяқталғаннан кейін Қазақстанның археологиялық мектебінің негізін қалаушы, академик Әлкей Марғұланның бюсті орнатылатын болады.