MU СТУДЕНТТЕРІНЕ ӨЗБЕКСТАНДЫҚ ҒАЛЫМ САБАҚ БЕРУДЕ

22.11.2024

Әлкей Марғұлан атындағы Павлодар педагогикалық университетіне Низами атындағы Ташкент мемлекеттік педагогикалық университеті «Өзбекстанның қазіргі заман тарихы» кафедрасының профессоры, тарих ғылымдарының докторы Сабыров Әлішер Тұрсынұлы келді. Ол 18-30 қараша аралығында болып, Гуманитарлық ғылымдар жоғары мектебі "Тарих" білім беру бағдарламасы студенттеріне сабақ беруде.

Ғалымың біздің университетке келуі екі жоғары оқу орнын арасындағы бакалавриат бағыты бойынша қос дипломды білім беру бағдарламасын іске асыру келісімшарты аясында мүмкін болды.

Профессор «Тарих» білім беру бағдарламасының студенттеріне «Шет елдердің қазіргі тарихы» пәнінен дәріс оқып, Орталық Азия елдеріндегі тарихи процестердің ерекшеліктеріне тоқталуда. Ғалым ғылыми және зерттеу жұмыстарды рецензиялап, докторлық диссертациялар бойынша кеңес береді. Сонымен қатар, рецензияланатын ғылыми журналдарда және халықаралық конференция жинақтарында тарих ғылымының өзекті тақырыптары бойынша докторанттармен және магистранттармен бірлесіп, ғылыми мақалалар дайындалуда. Тарихшы ғалым магистранттар үшін қызықты шеберлік сабақтарын және жас ғалымдар мен докторанттарға арналған оқыту семинарларын, ал гуманитарлық ғылымдар жоғары мектебінің профессор-оқытушылық құрамы үшін халықаралық біліктілікті арттыру курсы мен оқыту тренингін өткізеді.

Студенттер, магистранттар мен докторанттар оқу сабақтары мен оқытудың жоғары деңгейін және бірлескен жұмыс барысындағы жайлы атмосфераны, ғалымның ізгі ниеті мен тарихтағы өзекті мәселелер бойынша білім беруге ұмтылысын атап өтеді.
Жұмыс барысында екі дипломдық бағдарламаны ары қарай жүзеге асыру және біздің университеттердің қатысуымен халықаралық ғылыми жобаны іске асыру мүмкіндіктері мен ұзақ мерзімді ынтымақтастық мәселелері талқыланады.