MU СТУДЕНТТЕРІ РЕСПУБЛИКАЛЫҚ ОЛИМПИАДАНЫҢ ЖЕҢІМПАЗДАРЫ АТАНДЫ

12.10.2024

«Физика-Математика» білім беру бағдарламасының студенттері Ақтөбе қаласында өткен Республикалық пәндік олимпиадада жоғары нәтижелерге қол жеткізді. Жеке есепте Ярослав Басов бірінші орынды иеленді, ал командалық жарыста Әбілқайыр Иманғалиев, Мадияр Төлеубай және Ярослав Басов екінші орынды қанжығалады.

Зияткерлік сайысқа еліміздің 16 жоғары оқу орнының студенттері қатысты.

Студенттерді дайындап, осындай үлкен белесті бағындыруына қолдау көрсеткен команда жетекшісі Әсемгүл Қисабековаға алғысымызды білдіреміз. Жеңімпаздарды жеңісімен құттықтаймыз және оларға сәттілік пен жаңа жетістіктер тілейміз!