МАРҒҰЛАН УНИВЕРСИТЕТІНІҢ СТУДЕНТТЕРІ ӨЗДЕРІНІҢ СТАРТАП-ЖОБАЛАРЫН ҰСЫНДЫ

08.04.2025

Марғұлан университетінде Ғылым декадасы аясында "Көркем еңбек, графика және жобалау" білім беру бағдарламасы бойынша стартап-жобалар көрмесі өтті. Жобалар дәстүрлі қазақ қолөнерін қайта жаңғыртуға және сақтауға, сондай-ақ оларды қазіргі әлемде танымал етуге бағытталған.

Жобалардың бірі – «Тоқымадан бұйымдар жасау». Студенттер Бахиев Эмир, Туртулова Асель, Есенгелді Айгерім Гульнар Алинова жетекшілігімен дәстүрлі қолөнердің заманауи трендтерге қалай бейімделетінін көрсетті. Тарихи тамыры терең войлок студенттерді заманауи стильдегі тюбетейкелер мен шоперлер сияқты оригинал бұйымдар жасауға шабыттандырды.

Әжімхан Аяла, Серікқали Мерей студенттері Индиры Даулетова жетекшілігімен ұлттық стильде MARGULAN UNIVERSITY логотипімен сувенирлер мен сыйлық өнімдерін жасауды мақсат еткен жоба ұсынды. Көрмеге ұсынылған бұйымдардың қатарында – брошь, магниттер, ағаш ойыншықтар және кілттер үшін брелоктар болды. Бұл жұмыстар дәстүрлі қазақ дизайнын заманауи элементтермен үйлестіре отырып, бірегей және өзекті заттарды жасауға болатындығының жарқын мысалына айналды.

Перизат Балташева жетекшілігіндегі студент Жастилеков Сымбат ұлттық көркем және ағаш бұйымдарын жасау жобасын ұсынды. Университеттің шығармашылық шеберханасында студенттер дәстүрлі ағаш өңдеу әдістері мен материалдарын пайдалана отырып, үй тұрмысына қажетті астау мен ас үй құралдарын жасайды.

Стартап-жобалар студенттер үшін маңызды ынталандыру болды, олар өздерінің сүйікті ісінің тек қуаныш әкеліп қана қоймай, сонымен қатар қосымша табыс көзі бола алатынын көрсетті.