МАРҒҰЛАН УНИВЕРСИТЕТІНІҢ СТУДЕНТТЕРІ БЕЛБЕУ КҮРЕСІНЕН ЧЕМПИОН АТАНДЫ

27.11.2023

Марғұлан университетінің студенттері белбеу күресінен Қазақстан чемпионатының жеңімпазы атанды.
Түркістан облысының Кентау қаласында КСРО спорт шебері, Қазақстанның еңбек сіңірген жаттықтырушысы Дәулетбек Байжігітұлын еске алуға арналған турнир өтті. 23 жасқа дейінгі ерлер мен қыздар арасында өткен байрақты бәсекеде өнер және спорт жоғары мектебінің студенті Айтмұхан Алдияр 82 кг салмақ дәрежесінде белдесіп, 1-орынды қанжығасына байлады. Сондай-ақ, 62 кг салмақ бойынша күрескен Жәнібек Жохаев та жеңімпаз атанып, қуанышымызды екі еселендірді.

«Қос балуанымыз да спорт шеберіне үміткер. Олар Қазақстан чемпионатына жыл сайын қатысып, жүлдегерлер атанып келеді. Олардың спортта жүргендеріне 10 жылдай уақыт болды. Спортшыларымыздың жеңіс тұғырынан көрінгені біз үшін үлкен жетістік»-, дейді жаттықтырушы Қайрат Темірболатов.