MU СТУДЕНТІ ХАЛЫҚАРАЛЫҚ ЖАС ҒАЛЫМДАР БАЙҚАУЫНДА ЖЕҢІМПАЗ БОЛДЫ

11.11.2024

Астанада жас ғалымдардың кәсіби жетістіктерін қолдауды мақсат еткен "Best Young Researcher Award" халықаралық байқауы аяқталды. Бұл байқау жас зерттеушілерді әлемнің түкпір-түкпірінен тарта отырып, ғылымды дамытуға және білікті мамандарды қолдауға бағытталған. Шара Елорданың “Жастар сарайында” өтіп, оған түрлі елдерден 70-ке жуық қатысушы жиналды.
Биылғы жылы ерекше назар "Жасыл химия" секциясына аударылды, онда мектеп оқушылары мен студенттер экология мен химия саласында өз жобаларын ұсынды. Кейс-әдісін қолдана отырып, қатысушылар экологиялық тұрақты технологияларды дамытудың және инновациялық тәсілдердің маңыздылығын көрсетті.
Байқауға ХБ-41 тобының студенті Жамалханова Барно қатысып, бірінші орынды жеңіп алды. Оның жобасы қазылар алқасының тарапынан жоғары бағаға ие болды. Жамалханова Барноның ғылыми жетекшісі ретінде Хамзина Шолпан Шапиевна да марапатталды.
Студенттің бұл жетістігі - университеттің жетістігі. Сондықтан, талантты студентк ғылымды дамытуға қосқан үлесі үшін алғыс айтамыз. Ғылыми зерттеулерде әрі қарай да табысқа жетуіне және жаңа белестерді бағындыруына тілектеспіз!