МАРҒҰЛАН УНИВЕРСИТЕТІНІҢ СТУДЕНТІ – ҚР КУБОГЫНЫҢ КҮМІС ЖҮЛДЕГЕРІ

07.12.2023

Марғұлан Университетінің студенті Руслан Аубакиров Қарағанды қаласында спорттық акробатикадан ересектер арасында өткен Қазақстан Республикасы кубогының күміс жүлдегері атанды. Ауқымды жарыстың ұйымдастырушылары Қазақстан Республикасы Мәдениет және спорт министрлігінің Спорт және дене шынықтыру істері комитеті болды.

Жарыс барысында Алматы, Қарағанды, Теміртау, Павлодар, Екібастұз және еліміздің басқа қалаларынан келген 10 мықты аралас акробатикалық топ күрделі акробатикалық жаттығуларды орындаудан үздік атағын сарапқа салды.

Жарыс қорытындысы бойынша өнер және спорт жоғары мектебінің ДШжС-34 тобының студенті Руслан Аубакиров пен мектеп оқушысы Злата Богунова аралас жұптар арасында тепе-теңдік сақтау жаттығуынан 2-орынға ие болды. Спорттық дуэттің жаттықтырушысы – спорттық акробатика бойынша біліктілігі жоғары деңгейдегі оқытушы Аубакирова Светлана Юрьевна.

Спортшыларды және олардың жаттықтырушысын ҚР Кубогындағы сәтті өнерімен құттықтаймыз және алдағы уақытта да жетістіктер тілейміз!