МАРҒҰЛАН УНИВЕРСИТЕТІНІҢ СТУДЕНТІ Н.НАЗАРБАЕВ АТЫНДАҒЫ ҚОР СТИПЕНДИЯСЫНЫҢ ИЕГЕРІ АТАНДЫ

Алматыда Нұрсұлтан Назарбаев Қорының студенттік стипендиясын салтанатты түрде тапсыру рәсімі өтті. Оның иелері – оқуда, шығармашылықта, ғылымда жоғары жетістіктері бар, өз университеттері мен өңірлерінің атын шығарып жүрген студенттер. Олардың қатарында Әлкей Марғұлан атындағы Павлодар педагогикалық университеті өнер және спорт жоғары мектебінің 4 курс студенті Гүлназ Кендебай да бар.

 

Гүлназ университет қабырғасына түскен сәттен бастап өзін жақсы жағынан көрсетіп, үздік студенттердің қатарынан көрініп келеді. Өз мамандығына адалдық пен және жауапкершілікпен қарайды. Ол қоғамдық іс-шараларға да белсене қатысып, облыстық, республикалық ән байқауларының жеңімпазы атанды. 2020 жылы республикалық ән байқауында 3 орын, 2021 жылы Мұқағали Мақатаевтың 90 жылдығына орай өткізілген республикалық өнер байқауында вокал жанры бойынша 2 орын алды.

 

2021 жылы республикалық онлайн ән байқауынан 1 орынды жеңіп алса, 2022 жылы облыстық «Таланттар шайқасы» байқауының жеңімпазы болды. Астана қаласында өткен “Үздік студент-2022” төсбелгісінің иегері және «Білімнің жұлдызы-2023» бір реттік шәкіртақсының иегері.