MU СПОРТШЫСЫ ҚАЗАҚСТАН ПАРАЛИПИАДАСЫНЫҢ ЕКІ АЛТЫН ЖӘНЕ БІР ҚОЛА МЕДАЛЬ АЛДЫ

30.05.2023

Ақтөбе қаласында жастар мен ересектер арасында Қазақстан Республикасының VI жазғы Паралимпиада ойындары өтті.

Марғұлан университетінің Өнер және спорт жоғары мектебінің студенті Станислав Мочалкин суда жүзу жарысында үздік нәтиже көрсетіп, екі алтын және бір қола медаль жеңіп алды. Станислав еркін стильде S-10 санаты бойынша екі I орынды иеленді: онда 100 метр және 50 метр қашықтықта жүзді. Сонымен қатар, SB – 9 санатында 100 метр қашықтыққа брасс әдісімен жүзуде қола жүлдегер атанды.

Үздік спортшылардың бірі ретінде Станислав Мочалкин енді халықаралық аренада еліміздің намысын қорғайтын Қазақстан Республикасының Ұлттық құрама командасына алынды.

Спортшыны жүзуден жоғары білікті жаттықтырушы, ұстаз Гүлмира Айғожинова жаттықтырады.

Спортшы мен оның жаттықтырушысын тамаша жеңістерімен құттықтаймыз. Әлемдік аренада алдағы уақытта да спорттық жетістіктерге жетулеріңізге тілектеспіз!