МАРҒҰЛАН УНИВЕРСИТЕТІНІҢ СПОРТШЫЛАРЫ МАРАПАТТАЛДЫ

16.01.2024

Марғұлан Университетінің жаттықтырушылары мен спортшылары жыл үздіктерінің қатарынан көрінді. Қазақ күресі бойынша жаттықтырушы Қайрат Баязитов Павлодар облыстық қазақ күресі федерациясы тарапынан «Жылдың үздік жаттықтырушысы» аталымымен марапатталды.

Сонымен қатар, Рымбай Аяулы, Манап Әсел, Көппаева Әсел, Айтмұхан Алдияр, Ниязбек Карина, Әли Ақбота, Мұратхан Дәрима сынды жас балуандар үздік спортшылар қатарынан көрінді.

Марапаттарды Павлодар облыстық қазақ күресі федерациясының төрағасы Дархан Жоламанов табыстады. Жалпы өткен жылы спортшылар айтарлықтай жоғары жетістіктерден көрінді. Солардың ішінде қазақ күресінің балуандары да бар. Олар түрлі республикалық және облыстық чемпионаттар мен жарыстарда белдесіп, университет намысын абыроймен қорғады.

- Биыл екі спортшымыз Қазақстан чемпионы болды. Олар – Жаухаев Жәнібек пен Айтмұхан Алдияр. Одан басқа көптеген спортшылар облыс чемпионатының жеңімпазы және жүлдегері болды. Биылғы жылды да табысты өткіземіз деп сенемін. Спортшылар бабында жүр, - дейді қазақ күресінен жаттықтырушы Қайрат Баязитов.

Балуандар жақында Алматыда 2005-2006 жылғы балалар арасында өтетін Қазақстан чемпионатына барады. Аталған турнирде біздің университеттен 7-8 бала барып, боз кілемде белдеседі деп жоспарлануда.