МАРҒҰЛАН УНИВЕРСИТЕТІНІҢ ҚЫСҚЫ СПАРТАКИАДАСЫ ӨЗ МӘРЕСІНЕ ЖЕТТІ

24.01.2025

Марғұлан университетінің ұжымы салауатты өмір салтын берік ұстанады, оқытушы-профессорлар ғылыммен ғана емес спортпен де етене дос. Ұжымда жыл сайын өтетін қысқы спорттық спартакиада соның бір ғана айғағы. Биылғы жарыс жылдағыдан өзгеше, жылдағыдан ерекше форматта өтті. Бұрын әрбір жоғары мектеп, әрбір құрылымдық бөлімше жеке-жеке команда құрып, бақ сынаса биыл барлығы аралас өнер көрсетті. Бір аптаға созылған спартакиада тоғызқұмалақ, дойбы, шахмат, дартс, волйбол, баскетбол, үстел теннисі, арқан тарту түрлері бойынша жүргізіліп, бүгін жеңімпаздар анықталды. Марапаттау рәсіміне университеттің басқарма төрағасы-ректор Ержан Әмірбекұлы қатысып, барша жеңімпаздарды құттықтап, жарыстың көркін қыздырған белсенді ойыншыларға алғысын білдірді.

-Мұндай корпоративтік және ұжымдық жарыстар әріптестар арасындағы береке-бірлігін күшейтіп, ауызбірлігін нығайтуда маңызды рөл атқарады. Сондықтан, оқытушылар мен қызметкерлер тек өздерінің кафедрасы мен бөлімдерінде ғана емес, басқа бөлімдермен бір командада ойнады. Бұл әріптестер арасындағы формалды емес қарым-қатынасты арттырудың және корпоративтік рухты күшейтудің бір тәстілі. Сонымен қатар, жарыстың басынан бері өз әріптестерін қолдаған ең белсенді жанкүйерді анықтап, марапаттайтын боламыз, - деді Ержан Әмірбекұлы.

Жарыс қорытындысы бойынша, “Алау” командасы бірінші орынды жеңіп алса, “Баянтау” командасы екінші орынды еншіледі. Ал үшінші орын “Барыс” командасына бұйырды. Жеңімпаздар мен жүлдегерлер Алғыс хатпен және ақшалай сыйлықпен марапатталды.