МАРҒҰЛАН УНИВЕРСИТЕТІНІҢ ҚАБЫЛДАУ КОМИССИЯСЫ ЖҰМЫСЫН БАСТАДЫ

20.06.2024

Бүгін Әлкей Марғұлан атындағы Павлодар педагогикалық унверситетінде талапкерлердің құжатын қабылдау комиссиясының жұмысы басталды.
Біздің мекен-жайымыз: Павлодар қаласы, Олжабай батыр көшесі, 60-үй (Марғұлан университетінің бас оқу ғимараты).
Жұмыс уақыты: таңғы 9:00-ден кешкі 18:00-ге дейін. Сенбі және жексенбі күндері кезекшілер жұмыс істейтін болады.
Қабылдау комиссиясының хатшысы Гүлнәр Мұсанованың сөзінше, 20 маусым мен 7 шілде аралығында шығармашылық емтихандарға өтініштер қабылданады. Ал шығармашылық емтихандар 9 шілде күні басталады.
Мемлекеттік гранттарға өтініш беру 13-20 шілде аралығында жүргізіледі. Негізі талапкерлер 13 шілдеге дейін құжаттарын тапсырып үлгеру керек. Құжат тапсырып болған соң арнайы емтихандарға қатысады.
Биыл педагогикалық мамандықтарға түсу үшін шекті балл 75 болып қалды.
Сонымен қатар, Қазақстан тарихы бойынша 5 баллдан, оқу сауаттылығы бойынша 3 баллдан төмен болмауы керек.
Университетке ақылы түрде қабылдау жүргізіледі. Ол екініші жоғары білім алатындар мен колледж түлектеріне арналған. Егер мамандықтары сәйкес келетін болса емтихансыз қабылданады.
Биыл Марғұлан университетінде жаңа білім беру бағдарламалары ашылуда. Ол туралы қабылдау комиссиясындағы мамандардан толық ақпарат алуға болады.
Құжаттар тізімі мен қабылдау комиссияның байланыс номерлері университет сайтында жарияланған.