MU ПРОФЕССОРЫНА МИНИСТРЛІКТЕН АЛҒЫС ХАТ КЕЛДІ

04.10.2023

Марғұлан университеті гуманитарлық ғылымдар жоғары мектебінің профессоры Шақаман Ырысгүл Бектемірқызы ҚР Оқу-ағарту министрлігінің Алғыс хатымен марапатталды. Мәртебелі марапат ұстаздар күніне орай және профессордың Қазақстанның білім беру жүйесін дамытуға қосқан үлесі үшін, республикалық оқу-әдістемелік кеңестің сараптамалық топ жұмысына белсенді қатысқаны үшін беріліп отыр.

Ырысгүл Бектемірқызының еліміздегі білім және жоғары білім саласының дамуына қосқан үлесі зор. Ол Марғұлан университетінің қазақ тілі мен әдебиеті білім беру бағдарламасы құрылған мерзімнен бастап, бүгінгі күнге дейін ұзақ жыл қызмет атқарып келе жатқан құрметті профессор. Біраз жыл кафедра меңгерушісі және декан қызметін атқарды.

Ы.Шақаман көптеген ғылыми мақалалар, монография, оқулық пен оқу құралдарының авторы, сондай-ақ қазақ тілі мен әдебиеті пәні бойынша мектеп оқулықтарын сараптау комиссиясының төрағасы.