МАРҒҰЛАН УНИВЕРСИТЕТІНІҢ ОҚЫТУШЫСЫ ҚАЗАҚСТАН МӘСЛИХАТТАРЫНЫҢ ҚҰРМЕТТІ ДЕПУТАТЫ АТАНДЫ

20.01.2025

Марғұлан университеті Өнер және спорт жоғары мектебінің оқытушысы Сыздықов Аманғазы Аушахметұлы “Қазақстан мәслихаттарына 30 жыл” мерекелік медалімен және “Қазақстан мәслихаттарының құрметті депутаты” төсбелгісімен марапатталды.
Аманғазы Аушахметұлы 1990 жылы қалалық мәслихат депутаты, 1994 жылы облыстық мәслихаттың бірінші шақырылымында депутат болып сайланып, көптеген қоғамдық жұмыстармен айналысқан. А.Сыздықов өзінің еңбек жолын құқық қорғау оргындарында бастап, полиция департаментінің бастығы, полиция мектебінің директоры сынды лауазымды қызметтер атқарған. Сонымен қатар, спорт саласында ұзақ жыл еңбек етіп, көптеген чемпиондар, спорт шеберлерін шығарды. 1994-1998 жылдары еркін күрес, грек-рим күресі және әйелдер күресі федерациясының президенті болды. Сол жылдары аралығында Жапонияның Хиросима қаласында өткен Азия ойындарына Қазақстан құрамасын бастап барып, ел қоржынына 8 медальмен олжа салған. Ұлағатты ұстаздың спорт саласындағы жетістіктері мұнымен шектелмейді, жүздеген шәкірт тәрбиелеп, олар республикалық, халықаралық жарыстардан топ жарды, еліміздің намысын абыроймен қорғады.
Марғұлан университетіне 2012 жылы келіп, оқытушылық қызметін жалғастыруда. Ағамыздың еңбегіне зор табыс тілейміз.