МАРҒҰЛАН УНИВЕРСИТЕІНІҢ ОҚЫТУШЫЛАРЫ ПЕДКОЛЛЕДЖ СТУДЕНТТЕРІМЕН КЕЗДЕСТІ

19.01.2024

Жақында Марғұлан университетінің «Тарих» білім беру бағдарламасының оқытушылары Б.Ахметов атындағы педагогикалық колледжінің гуманитарлық мамандықтар бойынша биыл бітіретін түлектерімен кездесті.
Кездесуге тарих ғылымдарының кандидаты, қауымдастырылған профессор Бауыржан Абрахманов, тарих ғылымдарының кандидаты, доцент Шайман Әйткенов, тарих ғылымдарының кандидаты, оқытушы-зерттеуші Қанат Қанафин барды.
Оқытушылар колледжде білім алушыларға Марғұлан Университетінде білім алушыларға жасалған мүмкіндіктер, соның ішінде «Тарих» білім беру бағдарламасының білім беру сапасы жайлы айтып берді.
Кездесу барысында колледж оқушылары өздерін қызықтырған сұрақтарын қойып, оларға толық жауаптар алды. Мамандықтар мен БББ-ның жұмысын жан-жақты көрсету үшін студенттерге Марғұлан университеті туралы баяндайтын бейне презентация ұсынылды. Кездесуге 250-ге жуық түлек қатысты.