МАРҒҰЛАН УНИВЕРСИТЕТІНІҢ ОҚЫТУШЫЛАРЫ "ОРТАЛЫҚ АЗИЯНЫҢ ҚАЗІРГІ ТАРИХЫ" КУРСЫНА ҚАТЫСТЫ

02.12.2024

Жақында Әлкей Марғұлан атындағы Павлодар педагогикалық университетінде Низами атындағы Ташкент мемлекеттік педагогикалық университеті Өзбекстанның жаңа тарихы кафедрасының профессоры , тарих ғылымдарының докторы  Әлішер Тұрсынұлы Сабиров келді. Ол 18-30 қараша аралығында Гуманитарлық ғылымдар жоғары мектебінің "Тарих" білім беру бағдарламасының  профессор-оқытушылар құрамы, магистранттар мен докторанттар үшін біліктілікті арттыру курсын өткізді.  Біліктілікті арттыру курсының тақырыбы: "Орталық Азияның казіргі тарихы". Курс барысында оқытушылар Өзбекстанның тарих ғылымының жаңа ғылыми жетістіктерімен танысуға және Қазақстан, Өзбекстан, Тәжікстан, Түрікменстан, Қырғызстан тарихы бойынша кәсіби білімдерін тереңдетуге мүмкіндік алды. Курс аясында оқытушылар үшін оқыту тренингтері және магистранттар мен докторанттар үшін шеберлік сыныптары өткізіледі. Профессор дәріс өткізумен қатар докторанттардың докторлық диссертациялары бойынша кеңес беріп, "Тарих" білім беру бағдарламасы пәндерінің силлабустарын рецензиялауды жүргізді. Сонымен бірге, тарихи тақырып бойынша бірлескен халықаралық ғылыми жобалардың мүмкіндіктері және тарих бойынша екі дипломдық білім беру бағдарламасын іске асыру перспективалары талқыланды.