МАРҒҰЛАН УНИВЕРСИТЕТІНІҢ ОҚЫТУШЫЛАРЫ ЕРЕЙМЕНТАУҒА БАРДЫ

04.04.2024

2024 жылдың 3 сәуірінде профессор-оқытушылар құрамы Бердібекова Жанар Маженқызы, Айдарханова Ирина Ивановна, Канафин Қанат Кинаятұлы, Мұхаметқайыров Арсланбек Ерболатұлы, Сайфурова Индира Орымбайқызы Ерейментау қаласына барды. Ерейментауда Бөгенбай батыр атындағы № 2 жалпы білім беретін мектеп-лицейі, Төлеу Шаханов атындағы №2 орта мектебі, Насыр Смағұлов атындағы №1 мектеп-лицейі, №1 Жалпы білім беретін мектебі сынды білім беру мекемелерінде түлектерімен кездесті.
Кездесулер барысында оқушыларға кәсіби бағдар беру жұмыстары жүргізілді. Атап айтсақ, буклеттер таратылып, бейнероликтер көрсетілді. Университет және мамандықтар туралы презентациялар түріндегі ақпараттық материалдар ұсынылды. Оқушылардың кәсіби өзін-өзі анықтауына, сондай-ақ педагогикалық мамандықтың рөлі мен маңыздылығына ерекше назар аударылды.
Ал мектеп мұғалімдері магистратура бойынша кеңес алды.