МАРҒҰЛАН УНИВЕРСИТЕТІНІҢ КОМАНДАСЫ ХАЛЫҚАРАЛЫҚ ОЛИМПИАДАНЫҢ ЖҮЛДЕГЕРІ АТАНДЫ

29.04.2024

Алматы қаласындағы Абай атындағы Қазақ ұлттық педагогикалық университетінде жаратылыстану пәндері бойынша халықаралық олимпиадасы өткізілді. Олимпиаданы Абай атындағы ҚазҰПУ, Жаратылыстану және география институты, Қонаев қаласындағы «Балдәурен» республикалық оқу-сауықтыру орталығы бірлесіп ұйымдастырған. Білім сайысына Қазақстан, Қырғызстан, Өзбекстан елдерінен барлығы 13 команда қатысып, 3 кезеңнен тұратын тапсырмаларды орындады. Бірінші бөлім – «Педагогика бізді біріктіреді» визиттік картасы, екінші - мамандық бойынша проблемалық тақырыпқа эссе жазу, үшінші – кейс шешімі.

Олимпиада нәтижесі бойынша Әлкей Марғұлан атындағы Павлодар педагогикалық университетінің химия, биология, география білім беру бағдарламасының студенттері 3 орынға ие болды. Марғұлан университеті командасының құрамында химия білім беру бағдарламасының 3- курс студенті Әлішер Жараспаев, биология білім беру бағдарламасының 3-курс студенті Гүлзада Аманжол, география білім беру бағдарламасының 3-курс студенті Жадыра Майданова сынды білім алушылар болды. Олар өз білімдерін жоғары деңгейде көрсете білді және педагогикалық мәселелерді шешу бойынша тапсырмаларды нәтижелі орындады. Команда жетекшісі - жаратылыстану жоғары мектебінің сарапшы-оқытушысы Баймұрзина Баян Жұмабайқызы. Жеңімпаздарды құттықтаймыз!