МАРҒҰЛАН УНИВЕРСИТЕТІНЕ ЖАҢА ПРОРЕКТОР ТАҒАЙЫНДАЛДЫ

16.05.2023

Ә.Марғұлан атындағы Павлодар педагогикалық университетінің тәрбие және әлеуметтік жұмыстар жөніндегі проректоры лауазымына Ілиясов Серік Құрғамысұлы тағайындалды. Жаңа проректорды Марғұлан университетінің ұжымына ректор Жанбол Жилбаев таныстырып, алдағы қызметіне сәттілік тіледі.

- Серік Құрғамысұлы Павлодар облысының тумасы. Осы күнге дейін әртүрлі жауапты және лауазымды орындарда жұмыс істеп, тәжірибе жинаған маман. Осы күнге дейін алған біліміңіз бен жинаған тәжірибеңізді Марғұлан университетінің дамуына арнайды деп сенеміз. Жаңа қызметте сәттілік және табыс тілеймін, - деді Жанбол Октябрьұлы.
Өз кезегінде Серік Құрғамысұлы да университет басшылығына осы жауапты қызметті сеніп тапсырғаны үшін алғысын білдірді. Сонымен қатар, алдағы уақытта ұжыммен жақсы қарым-қатынас орната отырып, бір мақсат, бір мүдде жолында аянбай еңбек етуге дайын екенін айтты.