МАРҒҰЛАН УНИВЕРСИТЕТІНДЕ ҒЫЛЫМ АЙЛЫҒЫ ҚОРЫТЫНДЫЛАНДЫ

11.05.2024

Марғұлан университетінде ағымдағы жылғы 12 сәуір мен 10 мамыр аралығы ғылым айлығы болып жарияланған болатын. Бұл 12 сәуір – Ғылым қызметкерлері күніне орай басталып, бір ай ішінде көптеген іс-шаралар өткізілді. Жақында университетте осы ғылым айлығын қорытындылау шарасы өтті. Шара барысында ғылым саласында жетістікке жеткен ғалымдар марапатталып, қаржылай сертификаттар берілді. Марапаттауға университеттің басқарма төрағасы-ректор Жанбол Жилбаев қатысты.

Атап айтар болсақ, Ғылымды дамытудағы сіңірген еңбегі үшін Төсбелгісімен Марғұлан университетінің қауымдастырылған провессоры, PhD докторы Абыкенова Дәрия Болатқызы марапатталады. Сондай-ақ, бес оқытушы ҚР Ғылым және жоғары білім министрі Саясат Нұрбектің Құрмет грамотасымен, жеті қызметкер Алғыс хатымен марапатталды. Осы шара кезінде әртүрлі ғылыми жобалармен айналысып жүрген ғалымдарға да сый-құрмет көрсетілді. Атап айтқанда 2023 жылы жоғары рейтингтік журналдар да мақала жариялау қорытындысы бойынша 35 профессор-оқытушыға 100.000 теңгенің сертификаты табысталды. Сол секілді, 4 университетішілік ғылыми жоба мен 11 стартап жоба жетекшілеріне әрбір жоба үшін 2 000 000 теңге көлемінде сертификаттар берілді.