MU FEST: СТУДЕНТТІК ӨМІРДІҢ АЛҒАШҚЫ ҚЫЗЫҚТАРЫ

18.09.2024

2024 жылдың 19 қыркүйегінде ERTIS PROMENAD алаңында Марғұлан университетінің ұйымдастыруымен MU FEST студенттік кеші өтті. Бұл іс-шара университеттің туған күніне және жаңа келген бірінші курс студенттерін қабылдауға арналды.

Мереке Марғұлан университетінің ректоры Жанбол Жилбаевтың құттықтау сөзімен басталды. Ол студенттерді оқу жылының басталуымен құттықтап, оларға оқуда табыс, шығармашылық жетістіктер және қызықты студенттік өмір тіледі.

Кеш барысында университеттің дарынды студент жастары өздерінің шығармашылық нөмірлерін ортаға салды.
Көрермендер жоғары оқу орнының вокалдық және би ұжымдарының концертін тамашалады. Соның ішінде Әйгерім Нұрғалиева, Нұрбақыт, Уахит Әлнұр, Амантай Қорланды, егіздер Мадияр мен Данияр Әшір, MU ENTERTAINMENT тобы және т .б. өнер көрсетті.

Сондай-ақ, университеттің түлектері Маусым Шәкім, танымал рэп-орындаушы Аманчик және әнші ASA-Аскорбинка да арнайы қонаққа келіп, өздерінің үздік хиттерін орындады.

Кеш барлық жастардың көңілін көтерген дискотекамен аяқталды.

MU FEST - Марғұлан университетінің барлық студенттері үшін қуаныш, шабыт және жаңа бастамалардың символына айналды, сондай-ақ олардың студенттік өміріндегі ең алғашқы қызықтары болды.