МАРҒҰЛАН УНИВЕРСИТЕТІНДЕ ӨҢІР КОЛЛЕДЖДЕРІНІҢ БАСШЫЛАРЫМЕН КЕЗДЕСУ ӨТТІ

13.11.2024

Әлкей Марғұлан атындағы Павлодар педагогикалық университетінде дөңгелек үстел өтті, онда жоғары білім беру бағдарламаларын техникалық және кәсіптік біліммен үйлестірудің маңызды мәселелері талқыланды. Іс-шараға өңірдегі 20 колледждің басшылары, білім басқармасының өкілдері қатысты.

Кездесуде колледж түлектерін қысқартылған бағдарламалар бойынша оқуға қабылдау, кадрларды қайта даярлау және бірлескен білім беру бағдарламаларын әзірлеу мәселелеріне басты назар аударылды. Мұндай бастамалар оқу орындарының өзара іс-қимылына ықпал етеді және студенттер үшін білім беру сапасын арттыруды қамтамасыз етеді.
Марғұлан университетінің басқарма мүшесі-академиялық мәселелер жөніндегі проректоры Ольга Андрющенко ТжКБ білім беру ұйымдары арасындағы әріптестікті нығайту, өңірдегі кәсіптік оқыту жүйесін жақсарту үшін осындай кездесулер маңызды екенін атап өтті.

Дөңгелек үстел тәжірибе алмасу, өзекті мәселелерді талқылау және Павлодар облысында білім беру сапасын арттырудың маңызды қадамы болды. Жиын соңында кейбір колледж басшылары ынтымақтастық меморандумға тұруға ұсыныс жасады. Сонымен қатар, дуалды оқыту жүйесін кеңейтуді сұрады.