МАРҒҰЛАН УНИВЕРСИТЕТІНІҢ ДОКТОРАНТЫ МӘСКЕУДЕ ТАҒЫЛЫМДАМАДАН ӨТІП ЖАТЫР

14.11.2023

«Педагогика және психология» білім беру бағдарламасының 3 курс докторанты Арсланбек Мұхаметқайыров Г.В.Плеханов атындағы Ресей экономикалық университетінде (Мәскеу) ғылыми тағылымдамадан өтуде.

Ғылыми тәжірибе жетекшісі педагогика ғылымдарының докторы, Г.В.Плеханова атындағы Ресей экономикалық университетінің профессоры Фоминых Наталья Юрьевна. Арсланбек Мұхаметқайыров онда «Жоғары сынып оқушыларының икемді дағдыларын (soft skills) дамытудың психологиялық-педагогикалық шарттары» атты докторлық диссертациясының тақырыбы бойынша ғылыми-зерттеу жұмыстарын жүргізеді.

«Ресейдегі журналда мақаланы бірлесіп жариялау жұмысы мен үшін қиын әрі қызықты болды. Осы ретте Наталья Юрьевнаға өзінің мол тәжірибесі мен білімін бөліскені үшін алғысымыды білдіремін. Біздің бірлескен жұмысымыз докторантураны сәтті аяқтауға ықпал етеді. Ғылыми тағылымдама теориялық білімді практикада қолдануға, ғылыми зерттеулер жүргізуде, мақалалар жариялауда, конференцияларға қатысуда және докторлық диссертацияны сәтті аяқтау үшін қажет», - дейді Арсланбек.

Педагогика ғылымдарының докторы, профессор Наталья Фоминых 140-тан астам ғылыми және оқу-әдістемелік жұмыстардың авторы. Оның ішінде зияткерлік меншіктегі 6 патент, 4 монография, 10 ағылшын тіліндегі оқулық бар.