МАРҒҰЛАН УНИВЕРСИТЕТІНДЕ ДЕНСАУЛЫҚ КҮНІ ӨТТІ

19.09.2024

Жақында Әлкей Марғұлан атындағы Павлодар педагогикалық университетінде бірінші курс студенттеріне арналған Денсаулық күні өтті. Көңілді іс-шара қала маңындағы табиғат аясында өтті. Оған барлық жоғары мектеп студенттері қатысып, спорттық жарыстар, шеберлік сыныптары және шығармашылық байқаулар ұйымдастырылды.

Студенттер командалық эстафеталарға, гір спорты бойынша конкурстарға және асық ату дәстүрлі ойынына белсенді қатысты. Жеңімпаздар мен жүлдегерлер естелік сыйлықтарға ие болды.

Денсаулық күніне арналған бұл шара студенттерге өздерінің спорттық шеберліктерін көрсетуге және командалық береке-бірлікті нығайтуға тамаша мүмкіндік болды. Университет басшылығы жастар арасында салауатты өмір салтын насихаттау үшін осындай іс-шаралардың маңыздылығын атап өтті.