МАРҒҰЛАН УНИВЕРСИТЕТІНДЕ ДӘТҮРЛІ СПАРТАКИЯ ЖЕҢІМПАЗДАРЫ МАРАПАТТАЛДЫ

04.03.2024

Бүгін Марғұлан университетінің оқытушылары мен қызметкерлері үшін спорттық спартакиаданың көптен күткен қорытындысы шығарылды. Ақпан айында басталған спорттық жарыста жеңімпаз болған командалар мен үздік ойыншылар марапатталды. Марапаттау рәсіміне университеттің ғылыми жұмыс жөніндегі проректоры Бауыржан Есенгелдин қатысып, жеңімпаздарды құттықтап, барлық қатысушыларға белсенділік үшін алғысын білдірді.

Алдымен әр спорт түрі бойынша үздік командалар анықталып, жеңімпаз командалар шақырылды. Тоғызқұмалақ бойынша 3 орынды шаруашылық департаменті еншілесе, 2 орын өнер және спорт жоғары мектебіне бұйырды. 1 орынды жаратылыстану жоғары мектебі жеңіп алды. Шахмат ойынында 3 орын әкімшілік департаменті, 2 орын педагогика жоғары мектебі, 3 орын жаратылыстану жоғары мектебі болды. Ал үстел теннисі турнирінде шаруашылық департаменті үздік үштікке енді. Өнер және спорт жоғары мектебі екінші орынды олжаласа, жаратылыстану командасы жеңіс тұғырынан көрінді. Баскетбол ойыны бойынша жаратылыстану жоғары мектебі 3 орынды, өнер және спорт жоғары мектебі екінші орынды, М.Қанапиянов колледжі бірінші орынды жеңіп алды. Ал волейбол бойынша өнер және спорт жоғары мектебінің оқытушыларын ешкім жеңе алмады. Екінші орын жаратылыстану жоғары мектебіне, үшінші орын әкімшілік командасына берілді. Сонымен қатар, қысқы эстафеталық сайыстар да тартысты болды. Онда тағы жаратылыстану жоғары мектебі үздік шықты. Өнер және спорт жоғары мектебі екінші орынды, шаруашылық департаменті үшінші орын болды.

Ең маңызды әрі қызықтысы командалық ойындардың жеңімпазын анықтау болды. Командалық есеп бойынша жаратылыстану жоғары мектебінің ұстаздары жеңіс тұғырынан көрініп, арнайы кубокты иеленді. Командалық ойындарда екінші орынды өнер және спорт жоғары мектебінің ұстаздары қанжығаласа, шаруашылық департаменті үшінші орыннан көрінді. Сонымен қатар, спартакиада бойы белсенділік танытып, үздік ойын көрсеткен ойыншылар жекелей дипломдармен марапатталды.