МАРҒҰЛАН УНИВЕРСИТЕТІНЕ БОЛГАРИЯДАН ҒАЛЫМ КЕЛДІ

28.11.2023

Әлкей Марғұлан атындағы Павлодар педагогикалық университетіне Болгария еліндегі "Ангел Канчев" Русен университетінің ғалымы, профессор Юлия Дончева келді.

Юлия Дончева - инклюзивті және кәсіптік білім беру бағыты бойынша (Phd) ғылым докторы.

Профессор Юлия Дончева біздің университетке сапары аясында студенттер мен магистранттарға дәрістер оқыды. Сонымен қатар, оқытушылармен тәжірибе алмасу мақсатында семинарлар мен кеңестер өткізді. Нәтижесінде университеттің оқытушылары инклюзивті және арнайы білім беру саласындағы өз білімдерін толықтырды.

Юлия Дончеваның жұмысының нәтижелері бойынша ынтымақтастық жоспарлары белгіленіп, бірлескен ғылыми мақалалар жарияланады.

Айта кетейік шетелдік ғалым Марғұлан университетіне халықаралық ынтымақтастық аясында келді. Соның нәтижесінде біздің университеттің профессорлық-оқытушылар құрамы үшін ғылыми жұмыстардың ауқымы кеңейіп, үлкен жобалар атқарылуда.