МАРҒҰЛАН УНИВЕРСИТЕТІНДЕ БИЫЛ БІРІНШІ КУРС СТУДЕНТТЕРІНІҢ САНЫ 2000-НАН АСТЫ

02.09.2025

Жаңа оқу жылында Марғұлан университеті 2 090 талантты әрі талапты абитуриенттерге есігін айқара ашты.

Оқуға түскендердің орташа ҰБТ баллы 90-нан жоғары, ал кейбір бағыттарда 100-ден асып, максималды нәтиже – 130 баллды Меруерт Нурланқызы (білім беру бағдарламасы «Биология») көрсетті. «Алтын белгі» иегерлері мен үздік аттестат иегерлерінің саны едәуір артты. 30-дан астам студент IELTS сертификатына ие.

Шамамен 75% бірінші курс студенттері бюджет негізінде оқитын болады. Биыл университет педагогикалық бағыттар бойынша 500-ден астам квоталық грант алды, олардың барлығы сәтті игерілді. Сонымен қатар, 104 абитуриент «Серпін» бағдарламасының гранттарының иегері атанды.

Дәстүрлі жиынның орнына студенттер жаңа оқу жылын «Welcome Party» атты жарқын іс-шарамен қарсы алды.

Марғұлан университетінің ректоры Ержан Әмірбекұлы бірінші курс студенттерін құттықтап:

«Сіздерді шын мәнінде жарқын студенттік өмір күтуде. Бірінші курстан бастап сіздер 84 000 теңге көлемінде көтермеленген стипендия алатын боласыздар, бұл басқа бағыттармен салыстырғанда бірнеше есе көп. Екінші курстан бастап академиялық мобильдік пен стажировкалар үшін кең мүмкіндіктер ашылады. Университетте әрқайсысы өзінің талантын аша алатын 19 студенттік ұйым мен шығармашылық клубтар жұмыс істейді.

Сіздерде білімдеріңізді байыту, тұлғалық және кәсіби өсу үшін және өз жолыңызды табу үшін барлық мүмкіндік бар»- деп әр студентке ақ жол тіледі.