МАРҒҰЛАН УНИВЕРСИТЕТІ АҚСУДА “БОЛАШАҚ ПЕДАГОГ МЕКТЕБІН" АШАТЫН БОЛДЫ

17.10.2024

Марғұлан университетінің оқытушылары кәсіби бағдар беру жұмысымен Ақсу қаласындағы Ы.Алтынсарин атындағы орта мектебіне барды. Кездесу барысында мектеп базасында “Болашақ педагог мектебін" ашу туралы шешім қабылданды.

Ақсулық оқушылар мен мұғалімдермен кездесуге оқу ордасының белгілі ғалымдары Қ.М.Текжанов, Ы.Б.Шақаман, Н.П.Корогод және кәсіптік бағдар беру бөлімінің басшысы Г.М.Мұсанова барды. Жұмыс барысында университет өкілдері ағымдағы оқу жылында жүргізетін жұмыстардың жоспарымен таныстырды. Сонымен қатар, бұл жобаның мақсаты мен міндеттерін түсіндірді. Мектеп басшысы И.Е.Егіс университет ұсынысын қолдап, мектеп "ЖОО-Мектеп" жүйесіндегі жұмысты қолға алатынын айтты.
Оқытушылар мектеп түлектерімен кездесу барысында университеттегі инновациялық бағдарламалар туралы баяндап, олардың ерекшеліктеріне тоқталды.