МАРҒҰЛАН УНИВЕРСИТЕТІНДЕ АҚПАРАТТЫҚ САУАТТЫЛЫҚ ЖӨНІНДЕ СЕМИНАР ӨТТІ

04.12.2023

Марғұлан Университетіне белгілі журналист, медиатренер Мейрамхан Жәпек келді. Ол студенттермен кездесіп, «Медиа және ақпараттық сауат: ХХІ ғасыр дағдысын дамыту», «Медиа және интернеттегі сөз бостандығы мен өшпенділік тілі» тақырыптарында семинар тренинг өткізді. Кездесу барысында ақпараттық сауаттылық, Қазақстандағы сөз бостандығы, баспасөз еркіндігі, өшпенділік тілі тақырыптарында дәріс оқыды. Сонымен қатар, БАҚ-та, әлеуметтік желілерде жарияланатын ақпараттардың әртүрлі бағытта болатынын да түсіндіріп, оны сұрыптау әркімнің өз еншісінде екенін айтты. Мысалы манипуляция, жарнама, фейк, тапсырыспен жазылатын ақпарат, ресми ақпарат деген секілді.
Семинарға «MU медиа» жас тілшілер ұйымының студенттері де қатысып, өздеріне пайдалы сабақ алды.

- Осы семинар барысында ақпараттық тұрғыда сауатты болудың маңызын түсіндік. Ең бірінші медиа туралы жалпы ақпарат алдық. Сондай-ақ, көпшілік пайдаланатын әлеуметтік желілерде жарияланатын ақпараттың шынайы және сауатты жазылуының өте маңызды екенін түсіндік. Жалпы, мұндай дәрістер тек осы саланың өкілдері үшін емес, кез-келген адам үшін өте пайдасы зор, - дейді «MU медиа» жас тілшілер ұйымының жетекшісі Гүлзат Абдықадыр.