МАРҒҰЛАН УНИВЕРСИТЕТІНІҢ ДӘСТҮРЛІ ӘНШІСІ ЖЫРШЫЛАР БАЙҚАУЫНЫҢ ЖҮЛДЕГЕРІ АТАНДЫ

24.12.2024

Қызылорда қаласында «Терме тәрбие жыр рух» атты республикалық жыршылар байқауы өтті. Байқау мемлекет және қоғам қайраткері Темірбек Жүргенов құрастырған «Терме» жинағының жарық көргеніне 100 жыл және Сыр сүлейі Тұрмағамбет Ізтілеуұлы тәржімалаған «Шахнама» эпопеясының жарық көргеніне 90 жыл толуына орай ұйымдастырылды.

Ұлттық өнер додасына еліміздің әр өңірінен 30 жыршы қатысты. Байқау қорытындысы бойынша, Марғұлан университетінің оқытушысы, «Шаңырақ» халық шығармашылығы орталығына қарасты «Майра» мектебінің жетекшісі, ҚР Мәдениет саласының үздігі Салтанат Қисатова ІІ орынды еншіледі.