МАРҒҰЛАН УНИВЕРСИТЕТІНІҢ АКРОБАТТАРЫ ЖҮЛДЕГЕР АТАНДЫ

29.01.2024

Петропавл қаласында Қазақ КСР еңбек сіңірген жаттықтырушысы Ямпольскийді еске алуға арналған спорттық акробатикадан X халықаралық турнир өтті.

Турнирге Қазақстанның, Ресейдің және Өзбекстанның түрлі аймақтарынан келген 250-ден астам спортшы қатысып, әртүрлі санатта өнер көрсетті.

Жарысқа қатысушылар әйелдер жұптары, әйелдер топтары, аралас жұптар, ерлер жұптары және ерлер топтары болып бөлінді.

Аталған бәсекеге Павлодар қаласының атынан Марғұлан университетінің студенті Руслан Аубакиров те барып қатысты. Ол Злата Богуновамен бірге аралас жұпта өнер көрсетіп, 2 орын иеленді. Жаттықтырушысы Аубакирова Светлана Юрьевна.