ӘЛКЕЙ МАРҒҰЛАННЫҢ 120 ЖЫЛДЫҒЫНА АРНАЛҒАН ДӨҢГЕЛЕК ҮСТЕЛ

19.03.2024

Марғұлан университеті "Тарих" білім беру бағдарламасы аясында көрнекті академик және ғалым Әлкей Марғұланның 120 жылдығына арналған дөңгелек үстел өтті. Шара Е.Бекмаханов атындағы Ғылыми кітапхананың кітапханашыларымен бірлесіп өткізілді. Аталған іс-шараның спикерлері ретінде тарих ғылымдарының кандидаты, доцент З.Ш.Айткенов, тарих ғылымдарының кандидаты, Қ.Қ. Канафин және кітапханашы Г.Э.Құдайбергенова қатысып, баяндама жасады. Дөңгелек үстелге сондай-ақ, "Тарих" білім беру бағдарламасының 1 және 2 курс студенттері қатысты. Іс-шара барысында Ә.Марғұланның өмірі мен жетістіктері туралы қызықты бейнеролик көрсетілді, спикерлер оның ғылыми және қоғамдық қызметінің жан-жақты аспектілері туралы айтып берді. Олар Әлкей Хақанұлының Қазақстанның тарихи-мәдени мұрасын зерттеудегі еңбектерінің маңыздылығын, Ш.Уәлихановтың ғылыми мұрасын зерттеуге қосқан үлесін, сондай-ақ ғалымның ауызша халық шығармашылығы саласындағы жұмысы туралы мол дерек келтірді.

Іс-шара барысында Ә.Марғұлан кітаптарының құнды көрмесі ұйымдастырылды, онда Гүлнара Энгельсқызы ғалымның тарих, археология, этнография, әдебиет және сәулет ескерткіштеріне арналған еңбектері туралы жан-жақты айтып берді. Академиктің мерейлі датасына арналған шара қызықты әрі студенттер үшін пайдалы болды. Кездесу соңында гуманитарлық ғылымдар жоғары мектебінің студенті Нұрсерік Тәуекел домбырамен ән шырқап берді.