«МЕМЛЕКЕТТІК ТІЛДЕ ІСЖҮРГІЗУ ШЕБЕРІ» БАЙҚАУЫНЫҢ ЖЕҢІМПАЗДАРЫ БЕЛГІЛІ БОЛДЫ

28.11.2025

2025 жылғы 10-27 қараша аралығында Марғұлан университетінде мемлекеттік тіл жөніндегі маман Ерболат Асылбековтің ұйымдастыруымен «Мемлекеттік тілде ісжүргізу шебері» атты қызметкерлер арасындағы байқауы өткізілді. Байқаудың мақсаты – мемлекеттік тілдің мәртебесін арттыру, ресми құжат айналымында қазақ тілінің қолданылу аясын кеңейту және ісжүргізу мәдениетін жетілдіру.

Байқауға 13 қызметкер қатысты. М. Қанапиянов атындағы жоғары колледжінің арнайы пәндер оқытушысы Райхан Досумбекова байқау жеңімпазы атанды. II дәрежелі дипломмен Гульнар Мусанова, Әсел Қалым, III дәрежелі дипломмен Алма Рахимжанова, Ақерке Рахымберді, Жансара Капашева және қалған қатысушылар белсенділігі үшін алғысхатпен марапатталды.

Марапаттау рәсімінде Қазақстан Республикасы Ғылым және жоғары білім министрлігі Тіл саясаты комитетінің Әдістемелік қамтамасыз ету басқармасының бас сарапшысы Әйгерім Қарымсақова, сондай-ақ басқарма мүшесі-академиялық мәселелер жөніндегі проректор Ольга Константиновна Андрющенко байқау қатысушыларына арналған құттықтау сөз сөйледі.