МЕКТЕППЕН ЫНТЫМАҚТАСТЫҚ НЫҒАЮДА

17.04.2023

Margulan university «Тарих» білім беру бағларламасының магистранттары Азамат Байжанов пен Сандуғаш Қашқынбай Ы.Алтынсарин атындағы дарынды балаларға арналған облыстық қазақ гимназия-интернатында өткен  Кеңес Одағының батыры Серікбай Мүткеновтың 110 жылдығына арналған дөңгелек үстелге қатысты. Кездесу мектептермен ынтымақтастық аясында бекітілген іс-шаралар жоспарына сәйкес «Тарих» білім беру бағларламасы мен гимназия-интернатының бірлесіп ұйымдастыруымен өтті.

Шара барысында Ұлы Отан соғысына қатысқан Кеңес одағының батырлары жайлы баяндамалар ұсынылып,  видеофильмдер көрсетілді. Байжанов Азамат «Серікбай Мүткеновтың Ұлы Отан соғысында көрсеткен ерен ерлігі», гимназия оқушылары Игілік Ақерке «Кеңес Одағының Батыры Талғат Бигельдинов», Зебай Нұрай Бауыржан Момышұлы туралы баяндама жасады. Шараны гимназияның тарих пәні мұғалімі Кәрімжан Жарылғапберді Төлепбергенұлы қорытындылап, өскелең ұрпаққа батырларымызды дәріптеудің маңызы өте зор екенін атап өтті.